Steini stuð

Já það er skammt á milli stórvirkja stjórnarandstöðunnar. Á eftir vantrausttillögu kemur síðan veruleg fylgisaukning, en við hvað. Ekki í evrópusambandið, ekki að losa okkur við kvótakerfið, ekki að afnema verðtryggingu..... Það helsta og besta sem þessir ágætu grænu nöldurseggir hafa afrekað er að reka þjakaðar strípistelpur af klakanum og heim í sæluna fyrir austan. Hversvegna ætlar fólk að kjósa afturhaldssinnaðan þjóðernisflokk til vinstri, gætum jafnvel kallað þá þjóðernisjafnaðarmenn (National Sozialists), sem vill engar raunhæfar lausnir, er á móti erlendum neyðarlánum og er með óráðshjal um óskilgreint myntbandalag við Noreg sem kærir sig ekkert um það. Hvað er að !

Ég ætla alls ekki að mæla Geir og Boggu bót, en það er skárri kostur en þessir afturkreistingar, þó slæmur sé. Það þarf nýtt blóð og ef það gamla þarf að renna svolítið til að það geti orðið þá verður bara að hafa það. Það hefur lítinn sem engan tilgang að borga af lánunum sínum og ég mælist til þess að fólk leggji frekar aurinn til hliðar og splæsi sér í Kalashnikov til að hreinsa út úr stofnunum þjóðarinnar. Þá getum við, bæði þau sem hafa litla vinnu og hinir sem hafa enga haft starfstitilinn sorphirðumenn þó ekki nema um stundarsakir sé.  

Heilaga kýr

Hvað í ósköpunum hefur eiginlega gerst hérna það er sífeldur handagangur, að þessu sinni ekki í öskjunni heldur í veskinu. Allt sem landsmenn áttu er skyndilega brunnið á verðtryggingar-verðbólgu, gengis báli. Risavaxnar bankabyggingar hrynja til grunna og blessaðir stjórnmálamennirnir dansa hrunadans við almenning sem að sjálfsögðu á að borga brúsann, en ekki hver ? Sá sem skuldaði 10 milljónir skuldar nú 25 og sá sem skuldaði 25 skuldar 55, sá sem skuldaði 10 milljarða eða meira skuldar hinsvegar ekki neitt, skrítið ? Til hvers að vera að læra þessa stærðfræði í skóla raunveruleikinn virðist sýna fram á allt annað ! Við þessir vesalings almenningar þurfum síðan að borga ekki bara þessar skuldir heldur líka okkar eigin sem margfaldast í einhverju veldi. Vesalings !

         Nei, sjáðu þú bætir bara vöxtum og verðbótum við höfuðstólinn, bætir síðan við smá verðbólgu og borgar eftir að þú ert dauður, annars gæti farið illa fyrir lífeyrissjóðunum !

Við skegg spámannsins til hvers eru lífeyrissjóðir ef enginn verður eftir í landinu, hvernig geta stofnanir verið teknar fram fyrir einstaklinga.

Þessi Hindúismi íslenskra pólitíkusa er að leiða okkur í glötun, af hverju eru krónan, verðtrygging, stofnanir samfélagsins helgar kýr meðan almenningur sveltur.

Villt spendýr !

Ég veit ekki hversvegna en mér er allt í einu hugsað til múrmeldýra, þau grafa stöðugt holur og haga sér á margan hátt eins og Íslendingar í jólaamstrinu. Já við erum svolítið eins og villt dýr í allri spennunni fyrir hátíðarnar, í Kringlunni og Smáralind mætir maður fólki með rjúkandi Kreditkort og æðisglampa í augunum. Fólki sem vill kaupa heiminn og eyða aleigunni fyrir sína nánustu sem margir bíða heima ærðir af spenningi. Þetta gengur á þangað til hámarkinu er náð(raunar ekki fyrr en á næsta kortatímabili) og hátíð ljóss friðar og allsnægta slær á spennuna og við keyrum okkur niður með ofáti á þungum mat og góðu víni(a.m.k. sum okkar). Síðan eyðum við restinni af hýrunni í að kaupa okkur rakettur og gera örvæntingafulla tilraun til að skjóta árinu og nýáunnum skuldum inn í aldanna skaut.

Gott vín fyrir gott fólk

Engin veit sína vínlús fyrr en búin er með hana og best er að vera fljótur að því. Já eigið þið líka lifandi vekjaraklukku hvur ósköpin, samt er ekkert að gerast. Stjórnmálin ganga sinn vana gang ekkert annað að gerast, haltur leiðir blindan nema þegar blindur leiðir haltann og báðir eru þeir afskaplega ánægðir með ráðahaginn. Nú er líka öllum fjórflokkunum fært að syngja þjóðsönginn við öll tækifæri við undirleik evru-kórsins og dala-($) bandsins. Við græðum öll en fyrstur kemur fyrstur fær, ertu móður ertu ær ! Í líkama guðs er allt að hafa, jafnvel þó þu þurfir tunnu að skafa.

Góðir gestir

Góðir gestir er virk andspyrna fædd. Nei ekki rétt svo gott. Jamm ég er mættur og vil mælast til að þið leggið við hlustir en það verður samt að gæta nærgætni í nærveru sálar þessvegna segi ég bara ekki neitt. Stundum má klárt betur liggja og svo framvegis.